Ish-kreu i Bashkisë Lushnje, Fatos Tushe, është paraqitur në SPAK mëngjesin e sotëm i shoqëruar nga avokati i tij.
Mësohet se Prokuroria e Posaçme ka nisur hetim pasuror ndaj ish-kryebashkiakut socialist. Raportohet se Fatos Tushes i janë gjetur pasuri te fshehura në emër të personave të tjerë.
Ish-kryebashkiaku socialist, pas daljes nga ambientet e Prokurorisë së Posaçme, deklaroi se paraqitja e tij në SPAK ishte për mos deklarimin e një pasurie.
Kujtojmë se Fatos Tushe u arrestua për shkelje të barazisë në tendera dhe u dënua me 2.4 vite burg nga GJKKO. Ai u lirua nga qelia në janar 2023 pasi mbaroi dënimin, por Apeli i GJKKO i shtoi dhe një vit burg dhe Fatos Tushe u arrestuar sërish në 2 mars 2023. Ish-kryebashkiaku përfundoi dënimin vetëm pak kohë më parë për shpërdorim detyre dhe shkelje të barazisë në tendera.
