Një ngjarje e pazakontë raportohet të ketë ndodhur në Poloni, ku një prokuror krejt i zhveshur, del në rrugë në gjendje të dehur për të blerë një birrë.
Prokurori 38-vjeçar është fotografuar të enjten nga qytetarët në rrugët e qytetit Sëidnica, në jugperëndim të Polonisë, ku ironikisht ai është një prokuror i respektuar, ndërsa pritet të shkarkohet nga puna.
Në njërë prej fotove ai shfaqet teksa ecën drejt kasës së dyqanit duke mbajtur një pako me katër kanaçe birre në dorë, dhe pasi kryen pagesën, largohet në drejtim të një rrugice të parkut të qytetit.
Dëshmitarët thanë se ai ishte në gjendje dukshëm të dehur dhe i pavetëdijshëm për veprimet që kryente.
Qytetarët e denoncuan rastin, ndërsa policia e shoqëroi prokurorin me akuzën e sjelljeve të turpshme në publik. Prokurori i vënë në siklet ka kërkuar ndjesë për skenat e pakëndshme.
