Tire Alldervishi, ish-sanitarja e Spitalit “Shefqet Ndroqi” është dërguar për gjykim nga Prokuroria e Tiranës.
Mësohet se bashkë me të janë çuar për gjykim edhe Mira Bushi, Sheqerie Koci, Sidorela Çela, Erjola Jazxhi si dhe Gjylbra Halilaj, infermiere të këtij spitali, të cilat akuzohen për shpërdorim detyre dhe mashtrim.
Kujtojmë se Tirja, e cila ishte sanitare në spitalin Covid-2, u arrestua pas denoncimit nga vajza e një pacienteje, të cilës i kishte marrë një shumë prej 8 milionë lekësh duke e mashtruar se ishte infermiere. Pacientja ndërroi jetë dhe nga bisedat që ka patur me të bijën është zbuluar trajtimi jo i duhur që i është bërë në spital.
