Ish-kapiteni i Argjentinës, Juan Roman Riquelme ka bërë një parashikim për sa i përket të ardhmes së Leo Messi. Në një intervistë për “ESPN”, ish-fantazisti ka thënë se kjo është një mundësi e mirë që PSG të fitojë Champions League, duke shtuar më tej se në rast se nuk e fiton edhe me Messin në skuadër, atëherë nuk kanë për ta fituar kurrë.
“Shpresoj që Messi ta shijojë Parisin. Nuk e di nëse është e çuditshëm, por të gjithë jemi të ngazëllyer, për ta parë atë duke luajtur me Mbappe dhe Neymar. Nëse PSG nuk e fiton Champions-in as me Messin, ata nuk kanë për ta fituar kurrë atë. Unë mendoj se Messi do të fitojë Ligën e Kampioneve me PSG dhe më pas do të rikthehet te Barcelona, për t’u pensionuar”, u shpreh Riquelme.
