I ftuar në edicionin e lajmeve të Ora News, nënkryetari i LSI-së Petrit Vasili, ka komentuar dorëheqjen e Lefter Kokës nga mandati i deputetit.
Ai është shprehur se do të ketë edhe dorëheqje të tjera, teksa shton se kryefjala me të cilën nuk mund të bëjë përpara parlamenti që do fillojë më 9 shtator është sqarimi i zgjedhjeve të 25 Prillit.
“Kjo tërheqje nuk është as më shumë as më pak një nga igrendientët i menusë që vjen erë të qelbur i masakrës së 25 prillit. E tërë kjo menu e rilindjes e përbërë nga komponentë që njërit i vjen era më shumë sesa tjetri. Sigurisht sot pati një element të kësaj shfaqje.
Deri më tani ka lënë mandatin kryetari i Kuvendit Gramoz Ruçi. Pastaj ka fituar dhe ka lënë mandatin Najada Çomo, u tërhoq me shkakun se duhet t’i shërbejë pacientëve. Sot është tërheqja e Kokës, besoj se do të ketë edhe tërheqje të tjera dhe për këtë jam bindur. Kryefjala me të cilën fillon dhe pa të cilën nuk mund të bëjë përpara parlamenti është sqarimi, zbardhja e 25 prillit.
Fakte si ky i sotmi më japin akoma më shumë të drejtë, dhe gjithçka që ne konstatuam si opozitë me fakte pa fund që u vulos nga OSBE/ ODIHR, thjesht dhe vetëm po marrim konfirmime që zgjedhjet e 25 prillit janë rrëzuar. Opozita nuk ka bërë akuza, nuk ka hamendësuar, por ka dhënë fakte”, tha Vasili.
