VIDEO/ Bosnja befason Francën, kthehet me 1 pikë nga Strasburgu

Bosnja shkakton befasi, duke u kthyer me një pikë të madhe nga Strasburgu. Boshnjakët barazuan me rezultatin 1:1 me kampionin në fuqi të botës, Francën, në ndeshjen e vlefshme të grupit D të kualifikueseve për Kampionatin Botëror.

Në këtë ndeshje ka referuar edhe gjyqtari nga Kosova me nënshtetësi të Zvicrës, Bekim Zogaj, i cili ishte asistentë i tretë i gjyqtarit kryesor Scharer nga Zvicra.

LEXO EDHE  Ngec Atletico Madrid, 20 sekonda çmenduri për Joao Felix

Bosnja kaloi në epërsi me golin e Edin Dzekos në minutën e 36-të.

Në minutën e 40-të, Antoine Griezmann barazon rezultatin 1:1.

Në pjesën e dytë, Franca mbetet me një lojtar me pak, Kounte ndëshkohet me karton të kuq në minutën e 51-të.

Franca kryeson me 8 pikë, pasojnë Ukraina me 4, Finlanda 2, Bosnja 2 dhe Kazakistani me 2 pikë.