Një vajzë e re është vrarë brutalisht me thikë nga tre burra së fundmi në Bagdad. Nourzan Al-Shammari ishte duke u kthyer nga puna në këmbë kur u sulmua nga agresorët.
Sipas raportimeve mediatike, ajo kishte refuzuar të martohej me kushëririn e saj, edhe pse familjarët e kishin rekomanduar. Pamjet e sulmit janë publikuar në rrjete sociale dhe janë vërtetë të rënda.
Aktivistë të shumtë kanë nisur protestat dhe kanë dënuar aktin e rëndë. Mediat vendase, raportojnë se e reja është vrarë nga familjarët, pas refuzimit të kërkesës së tyre.
Deri më tani, policia ka arrestuar vëllanë e Nourzan, i cilësuar si i dyshuari kryesor për vrasjen dhe ka shpallur në kërkim 2 kushërinjtë e saj. Mediat shkruajnë se Nourzan ishte martuar edhe njëherë tjetër kur ishte 13-vjeçe.
Edhe asokohe ajo nuk dëshironte të martohej, por vullneti i prindërve ishte i kundërt dhe ceremonia u zhvillua.
