Një ‘influencuese’ në rrjete sociale, ka humbur jetën gjatë një operacioni estetik në hundë. Ndërhyrja u zhvillua në një klinikë luksi dhe pas një “reaksioni fatal ndaj anestezisë”, modelja humbi jetën.
Maria Lebedeva, 31 vjeçare, kishte kërkuar procedurën e rinoplastikës, me vlerë rreth 5000 dollarë.
Video e regjistruar e procedurës, po përdoret si provë nga autoritetet, për hetime ndaj neglizhencën mjekësore. Bashkëshorti i modeles u kthye me urgjencë në spital kur mësoi për ngjarjen e rëndë, dhe tashmë po kujdeset për djalin e tyre të vogël.
Drejtori i klinikës, Alexandër Efremov, tha se pacientja kishte kaluar shumë teste para procedurës, e cila ishte kryer nga mjekë me kualifikime të larta. Ai shtoi se vdekja e saj mund të ketë ardhur nga gjendje të caktuara gjenetike.
“Një hetim mjeko-ligjor është duke u kryer, por ne kemi kryer operacionin sipas të gjitha standardeve të kërkuara. Nëse ka ndodhur ndonjë shkelje do të ishte rasti i parë”, tha ai.
