Nga Taulant Halili/ BoldNews.al
Pa kaluar ende 24 orë nga arratisja nga vendi i tyre dhe terrori i talebanëve, fëmijët afganë u gjendën sërish përballë një të keqeje jo të vogël si kryeministri Edi Rama. Ky i fundit nuk të vret por të përdor për interesa personale, ashtu siç përdori fëmijët shqiptarë pas tërmetit të 26 Nëntorit, vetëm që të takonte Kristiano Ronaldon.
I buzëqeshur, krenar dhe me një sjellje sikur të ishte vetë ‘Zoti’, kështu u paraqit Rama para afganëve të strehuar në Durrës.
‘Shtëpia e shqiptarit është e mikut dhe e Zotit’, shprehje kjo që nuk ka vlerë kur në skenë shfaqet kryeminsitri Rama, pasi ne shqiptarët që jetojmë këtu dhe ende nuk kemi ikur nga vendi e dimë fare mirë që për të parin e qeverisë vlerë ka vetëm fasada dhe propaganda, jeta e njeriut nuk vlen as sa e një kafshe.
Afganët që kanë mbërritur në Shqipëri, për më tepër fëmijët e vegjël as që e kanë idenë që ai që shkoi sot për t’i takuar në Durrës madje edhe me thesin me lodra me vete si ‘babagjyshi’ as që iu bëjnë përshtypje fare vuajtjet e tyre apo trauma që kanë kaluar, atij thjeshtë i duheni për të përmbushur minutazhin në ERTV, pasi tashmë nis puna me kohë të plotë dhe se sezonit të pushimeve i erdhi fundi.
Afganët që erdhën në Durrës, as që e kanë idenë që vetëm disa muaj më parë i njëjti Rama nuk la fëmijë që ju prish shtëpia nga tërmeti pa e nxjerrë në çdo edicion lajmesh në ERTV, jo për t’i zgjidhur hallin, por për të marrë ca vota se i duheshin për zgjedhje.
Mbase afganët ‘hë për hë- siç thotë dhe Luljeta Bozo’ nuk i duhen Ramës për vota, por për kredibilitet në sytë e atyre ambasadorëve të huaj që sillen nëpër Tiranë e Shqipëri dhe që tani kanë filluar e zënë be për kokë të kryeministrit.
Por fëmijët afganë që sot takuan kryeminsitrin në Durrës, nuk e dinë ende se moshatarët e tyre në Shqipëri kanë 8 vjet që e dinë se ‘Ujku i Kësulkuqes’ e ka emrin Edi Rama, aq makth ju është khyer nga daljet e tij të shpeshta në media.
Fëmijët afganë duhet të dinë gjithashtu se xhaxhi Edi fëmijët e shqiptarëve që ju shembën shtëpitë nga tërmeti sot po flenë ende në çadra.
Megjithatë fëmijë ose jo edhe të miturit afganë duhet të njihen tashmë me realitetin ku do u duhet të jetojnë përkohësisht apo përgjithmonë (Edhe vetë ata, shqiptarët jo e jo, nuk e dinë se çfarë do ndodhë), dhe të mësojnë tani e tutje se në Shqipëri edhe diellin e sjell xhaxhi Edi ashu si dhuratat që morën sot.
Gjithashtu duhet të dinë që ata do të dalin me hir ose pahir në ERTV sa herë që kryeminsitri ynë të ketë nevojë të mbushë minutazhin në TV-në e tij.
