Njihuni me Sayed Sadaat, ish- ministri afgan i cili sot jeton në Gjermani dhe shpërndan pizza. Ai ka rrëfyer për Reuters se fillimisht kur mori këtë punë, shumë persona e kanë kritikuar, por ai e ka vlerësuar që në fillim, duke mos e patur problem.
“Unë nuk kam bërë asgjë për t’u ndjerë keq. Shpresoj që edhe politikanët e tjerë të ndjekin të njëjtën rrugë, duke punuar me publikun dhe jo thjesht duke u fshehur”, tha 49-vjeçari, duke qëndruar me uniformën e tij portokalli pranë biçikletës së tij.
Ai ka treguar se është larguar nga Afganistani qëkur nisën trazirat me talebanët, duke marrë familje dhe me miq, dhe prej disa kohësh jetojnë në Gjermani. Sadaat tregoi se luftoi për të gjetur një punë në Gjermani që përputhej me përvojën e tij. Me diplomë në IT, Sadaat kishte shpresuar të gjente punë në një fushë të ngjashme. Por shanset e tij ishin të pakta.
Ai ndërkohë që punon, bën edhe mësime gjermanishte, ndërsa mban nënshtetësinë britanike.
