Kryeministri Edi Rama ndodhet sot për të dëshmuar në Komiosionin Hetimor për CEZ ku duket se është dorëzuar në përgjigjet e tij duke zgjedhur “kodin e heshtjes”.
Mirëpo duke folur në këtë komision të drejtuar nga nënkryetari i PD-së, Edmond Spaho, Rama tha se kishte dijeni për letrën e avokatit ndërkombëtar që i rekomandonte vazhdimin e gjyqit me kompaninë CEZ, duke mos pranuar që të hynin në negociata politike.
I pyetur nga deputetja Jorida Tabaku në lidhje me dijeninë që kishte ai për letrën e avokatit ndërkombëtar, Rama tha se letra i përcjell.
“Çdo letër që më vjen, thjesht e përcjell ose e delegoj tek stafi. Kryeministri vepron si organ kolegjial”, u shpreh Rama në lidhje me pyetjen e bërë nga deputetja Tabaku.
Në këtë mënyrë, kryeministri Edi Rama në cilësinë e dëshmitarit për aferën CEZ, nuk e mohoi dijeninë për letrën e mbërritur nga avokati ndërkombëtar, por u shpreh se “e kam përcjellur pa e lexuar tek stafi”.
