Një zjarr i fuqishëm ka rënë në fshatin Mjeshovë në Berat.
Zjarri mendohet të jetë shkaktuar nga barinjtë e zonës, që mund të kenë ndezur zjarr ose të kenë hedhur aksidentalish ndonjë cigare të ndezur.
Në zonë kanë shkuar forca të shumta të Repartit Zjarrfikës, të cilët po përpiqen ta vënë zjarrin nën kontroll dhe të shuajnë vatrat e flakëve me mjete rrethanore pasi terreni i vështirë e malor nuk lejon futjen e mjeteve zjarrfikëse në zonën e zjarrit.
Nuk është hera e parë që kjo zonë përfshihet nga zjarri, që është vënë në të gjitha rastet nga pakujdesia nga vetë fshatarët, duke shkaktuar dëme të mëdha.
Zjarri i cilu u vu nën kontroll mbrëmjen e djeshme ka filluar të riaktivizohet duke shkrumbuar 1.5 ha me shkure e pisha.
