Klubi i Tiranës ka bërë një lëvizje të bujshme duke menduar për të ardhmen e klubit, pasi ka kthyer në pankinat e skuadrave të moshave dy emra të njohur për trajningut shqiptar, të cilët edhe në të kaluarën kanë qenë pjesë e kryeqytetasve si futbollistë e trajnerë.
Bledar Devolli dhe Julian Ahmataj janë zyrtarizuar si trajnerët e rinj të ekipeve të moshave, përkatësisht të U19 dhe të U17 të bardhebluve. Devolli kishte mbajtur këtë detyrë edhe dy sezone më parë.
Ai dha dorëheqjen në mes të edicionit pasi pranoi asokohe se e kishte marrë postin vetëm me shpresën që një ditë të drejtonte ekipin e parë të bardhebluve.
Ndërsa Ahmataj atë edicion ishte trajner i U17 dhe pastaj mori edhe drejtimin e skuadrës së parë te Tirana, duke qëndruar pak javë para se të largohej nga ekipi të cilin e mori Egbo dhe e shpalli kampion.
