Një 46-vjeçar u arrestua nga policia e Fierit, që sekuestroi 800 gram kanabis dhe 1 armë gjahu pa leje.
Në pranga ra Kujtim Qerimaj, banues në fshatin Lapulec të Mallakastrës, pas një aksioni që erdhi “bazuar dhe në informacionet e marra në rrugë policore”, konfirmuan burime zyrtare nga blutë.
“Arrestimi i këtij shtetasi u bë pasi gjatë kontrollit të ushtruar në banesë iu gjet dhe sekuestrua 1 armë gjahu pa leje dhe 800 gram lëndë narkotike kanabis sativa e pregatitur gati për shitje”, njoftoi policia këtë të Premte.
Qerimaj akuzohet për veprat penale “Prodhimi dhe shitja e narkotikëve” dhe “Mbajtja pa leje e armëve të gjahut”.
