Mediat spanjolle raportojnë se Kylian Mbappe është duke bërë presion që të largohet drejt Real Madridit dhe ky transferim do t’i hapte rrugë kalimit të Cristiano Ronaldos drejt Paris Saint-Germainit duke formuar dyshen e ëndrrave CR7-Lionel Messi.
Burimet e El Chiringuito TV, Josep Pedrerol, Cadena SER e El Transistor, pohojnë se anësori francez e ka njoftuar klubin kryeqytetas se dëshiron të shkojë te Los Blancos.
💣💣 ESTA NOCHE tenemos BOMBAZO CRISTIANO RONALDO en #ElChiringuitoDeMega 💣💣
🚨📺 Te esperamos a las 12 de la noche en MEGA.
Así te lo hemos contado en TWITCH en #SportPlus https://t.co/uy59B6tvAR pic.twitter.com/DM8Jg0yqQx
— El Chiringuito TV (@elchiringuitotv) August 16, 2021
Arritja e Messit nuk e ka bindur kampionin e botës që ta shohë të ardhmen e tij në Parc des Princes dhe nuk është i gatshëm të nënshkruajë kontratë të re.
Duke qenë se do të jetë lojtar i lirë në qershor të vitit 2022, opsioni i vetëm i PSG-së është që ta shesë atë për një shumë të majme parash.
Në këtë rast, parisienët do t’i ktheheshin planit të mëparshëm – transferimit të Ronaldos nga Juventusi (që ishte Plani A para se Messi të bëhej lojtar i lirë nga Barcelona).
Kontrata e superyllit portugez te Zonja e Vjetër është në sezonin final dhe Bianconerët mund ta lejojnë të largohet për 30 milionë euro (që duke hequr edhe rrogën e tij prej 31 milionë eurosh nga lista e pagave, Juve do të përfitonte rreth 61 milionë euro nga largimi eventual).
Në anën tjetër, te Paris Saint-Germain i do të formohej sulmi me dy lojtarët më të mirë në 15 vitet e fundit dhe ndër më të mirë në histori të futbollit.
