Ambasadorja e SHBA-së në Tiranë, Yuri Kim, ka reaguar pas një postimi të Komitetit të Marrëdhënieve me Jashtë në Senatin amerikan, lidhur me vendimin e autoriteteve shqiptare për të strehuar në Shqipëri afganët që ishin aleatë të koalicionit të madh anti-terror të udhëhequr nga SHBA kundër talebanëve.
Përmes një shënimi në Twitter, Kim ka theksuar se populli shqiptar në momente shumë delikate tregon guxim dhe mirësi, ndërsa nuk ka nguruar që ta quajë Shqipërinë mikun dhe aleatin e SHBA-ve.
“BESA – kur ka më shumë rëndësi, populli shqiptar tregon gjithmonë nder, guxim dhe mirësi. Ne jemi krenarë t’ju quajmë mikun dhe aleatin tonë”, shkruan Kim.
BESA – when it matters most, the Albanian people always show honor, courage and kindness. We are proud to call you our friend and Ally. 🇺🇸 🇦🇱 https://t.co/OS3sE263mH
— Ambassador Yuri Kim (@USAmbAlbania) August 15, 2021
