Komisioni i Mbrojtjes Civile në Kukës njoftoi mëngjesin e së dielës se zjarri në Majën e Rënës vazhdon të jetë problematik, pavarësisht punës së bërë nga forcat e angazhuara nga bashkia e Kukësit si dhe nga helikopteri.
Nga raportimet mësohet se Bashkia ka angazhuar 10 forca zjarrfikëse, 8 punonjës të pyjores dhe të njesisë Malzi si dhe 10 forca nga komuniteti.
Në mbështetje të strukturave të bashkisë janë angazhuar dhe 18 forca të Detashmenti i Mbrojtjes Rajonale Kukës.
Gjithashtu situatë e rënduar paraqitet edhe në Thirrë ku vatra e zjarrit vijon të jetë aktive duke shkrumbuar një sipërfaq prej 200 hektarë tokë.
Edhe zjarri në fshatin Lalm të Lezhës ka marrë përmasa të mëdha duke përparuar në të gjithë pjesën e malit në drejtim të Rubikut.
Flakët po përhapen me shpejtësi duke rrezikuar dhe fshatin Katund i Vjetër në Rrubik. Zjarrfikësit e kanë të pamundur vendosjen nën kontroll të flakëve për shkak dhe të terrenit të vështëri, ndaj kërkohet ndërhyrje nga ajri.
