Disa shpërthime të fuqishme janë dëgjuar në Dropull, duke shkaktuar panik te banorët. Nga raportimet e para dyshohet se mund të kenë shpërthyer mina.
Ngjarja raportohet të ketë ndodhur në fshatin Radat të Dropullit në Gjirokastër. Raportohet se kanë shpërthyer 10 mina të Luftës së Parë Botërore.
Mësohet se predhat kanë shpërthyer si pasojë e nxehtësisë së zjarrit që përfshiu bimësinë e kësaj zone paraditen e sotme.
Nga ngjarja në fjalë nuk bëhet me dije nëse janë shkaktuar dëme në njerëz apo materiale.
Zona ku ndodheshin minat është e pabanuar, por forcat e zjarrfikëseve dhe efektivët e Forcave të Armatosura janë në terren duke luftuar me flakët.
Burimet bëjnë me dije se situata kritike me zjarrin në fshat ka mbaruar ndërkohë që kanë shpërthyer 10 minat.
