Një aksident ka ndodhur mbrëmjen e sotme në autostradën Vlorë-Levan, një nga akset më problematike për aksidente në vendin tonë.
Aksidenti ka qenë me pasoja të rënda, pasi një grua e moshuar ka humbur jetën nga përplasja teksa perpiqej te kalonte rrugen ne autostrade.
Aksidenti ka ndodhur në afërsi të Novoselës dhe si pasojë e këtij aksidenti është bllokuar qarkullimi i mjeteve.
Vlorë/Informacion paraprak
Në orën 19:20, në autostradën “100 Vjetori”, Vlorë, një automjet, me drejtues shtetasin A. M., 68 vjeç, banues në Lushnje, ka aksidentuar një këmbësore ende të pa identifikuar, rreth 70 vjeçe, e cila si pasojë ka ndërruar jetë.
Drejtuesi i mjetit është shoqëruar në Komisariatin e Policisë Vlorë.
Në vendngjarje ndodhet grupi hetimor dhe po punon për zbardhjen e plotë të ngjarjes.
