Parandalohet krimi në Fier, kapet i riu që do vriste dy persona

Policia e Fierit ka parandaluar në kohë një vrasje të dyfishtë në Fier si dhe arrestoi në flagrancë një i ri i cili pas një konflkti shkoi të merrte armën e të vriste dy persona.
Sipas njoftimit të polisicë është arrestuar shtetasi Alban Avdullaj, për motive të dobëta është konfliktuar me shtetasit: B.K, 50 vjeç dhe P.K, 38 vjeç, të dy banues në fshatin Cakran. Policia njofton se “Falë punës së mirë organizuar, u bë e mundur kapja në flagrancë e shtetasit Alban Avdulaj 26 vjeç, i cili kishte shkuar në shtëpi dhe kishte marë armën e zjarrit të cilën e kishte pa leje”. Në cilësinë e provës materiale i’u sekuestrua arma e zjarrit tip pushkë model 63 dhe një krehër me 20 fishek.