Ish-deputeti nga radhët e PD-së, Gent Strazimiri në një status në FB, teksa komenton situatën nga zjarret, jep edhe të dhënat për mjetet që ka në dispozicion sipas tij Emergjenca Civile.
Sipas Strazimirit, Shqipëria ka mjete të mjaftueshme për të fikur zjarret, por ajo që i mungon është qeveria me vullnetin e saj.
Ai bën edhe një krahasim me kohën kur qeveriste Sali Berisha dhe thotë se e gjeti Forcën Ajrore me helikopterë rusë e Kinezë që nuk ndizeshin, dhe e la me flotë helikopterësh të fjalës së fundit.
Deklarata
Shqipëria ka helikopter modern për të fikur zjarret, madje jo 1, por 8 copë!
Quhet “Eurocopter AS 532 Cougar” dhe fik zjarret si në videon bashkëngjitur!
Sali Berisha e gjeti Forcën Ajrore me helikopterë rusë e kinezë që nuk ndizeshin, dhe e la me flotë helikopterësh të fjalës së fundit!
Por edhe kur Shqipëria nuk i kishte ende helikopterët në fjalë, Sali Berisha pajtonte Canadair për fikje zjarresh, dhe nuk e linte vendin të shkrumbohej!!!!
Shqipërisë NUK I MUNGOJNË HELIKOPTERËT!
Shqipërisë I MUNGON QEVERIA!!!
KAQ!
