Ky është heroi i ditës në Gjermani. Driton Berisha nga Kosova ishte duke shëtitur nëpër qytet së bashku me mikeshën e tij gjermane kur kishte parë se si punëtorët e një dyqani po përpiqeshin ta kapnin një hajdut.
Në atë moment 37-vjeçari vendos të ndihmojë dhe e bën këtë pa u menduar dy herë, shkruan gazeta “Sudkurier”.
Ai është përleshur me hajdutin i cili mbante në dorë edhe një thikë dhe gjatë përpjekjes për ta neutralizuar ai e ka goditur në kofshë.
Vetë punëtori i shitores, dëshiroi ti shprehë mirënjohjen kosovarit. “Heroi nga Villingeni”. Kështu e kishte emërtuar një polic pasi ja kishte dorëzuar hajdutin. Por jo, kështu nuk do të dëshironte të quante veten Dritoni. Përse ai kishte bërë këtë akt guximi?
Berisha, me gjermanishten e tij që çalon thotë se“Gjermanët na kanë ndihmuar në Kosovë. Ata më kanë ndihmuar edhe mua si refugjat dhe përse të mos i ndihmoj edhe unë një herë ata?”. Ai thotë se këtë do ta bënte në çdo kohë sërish.
