Një vlogger nga Danimarka ka ndërruar jetë tragjikisht në një mal në Alpet italiane duke xhiruar një video për YouTube. Albert Dyrlund u rrëzua për vdekje teksa po ecte me një grup shokësh.
Lajmin e trishtë e konfirmoi e ëma për gazetën daneze Ekstra Bladet. Mediat italiane raportojnë se Dyrlund ra nga mali Seceda, i cili ndodhet në rajonin Val Gardena të Alpeve Italiane, rreth orës 5.15 pasdite gjatë xhirimit të një videoje.
Një helikopter shpëtimi mbërriti në vendin e ngjarjes, por fatkeqësisht i riu tashmë kishte ndërruar jetë.
Dyrlund kishte më shumë se 170 000 subscribe në kanalin e tij në YouTube dhe më shumë se 230 mijë ndjekës në Instagram. Ai ishte bërë i njohur nga videot komike me muzikë.
