Policia Rrugore apelon për të gjithë drejtuesit e mjeteve që të shmangin qarkullimin brenda qytetit të Vlorës dhe të përdorin BYPASSI-in duke u futur që në rrethrrotullimin e Nartës për në BYPASS, për shkak të fluksit të mjeteve që qarkullojnë në drejtim të zonave bregdetare dhe fluksit brenda qytetit të Vlorës, të cilët qarkullojnë për në drejtim të Himarës.
Njëkohësisht Policia Rrugore apelon për të gjithë drejtuesit e mjeteve që të respektojnë rregullat e qarkullimit rrugor, të qëndrojnë në radhë ku ka fluks apo lëvizje të ngadalta si pasojë e fluksit të madh të automjeteve, të mos qarkullojnë me shpejtësi pasi në çdo aks rrugor ka radarë dhe patrulla të lëvizshme të Policisë Rrugore që monitorojnë me kamera qarkullimin.
Ndërkohë, një fluks trafiku ka pasur superstradën Lezhë-Milot. Që nga orët e para të mëngjesit, fluksi i madh i automjeteve të ardhur kryesisht nga Kosova për të kaluar fundjavën në bregdetet e vendit, ka krijuar radhe kilometrike automjetesh.
Ata vizitojnë plazhet e Shëngjinit, Velipojës në Shkodër e Tales në Lezhë.
