Pesë gra dhe 14 fëmijë që kishin mbetur në kampin famëkeq “Al Hol” të Sirisë, pas shpërbërjes së ISIS, u janë dorëzuar autoriteteve shqiptare ditën e sotme.
Gazetari Taulant Koplikaj ka publikuar videon e intervistës në një kamp po në Siri, të një vajzë 11 vjeçe, zhvilluar më herët gjatë këtij muaji.
Ajo thotë se dëshiron të kthehet në Shqipëri. Me lot në sy, Jasmina kujton edhe shoqet që kishte në Tiranë, duke i përshëndetur ato.
“Shpresoj shume që Jasmina e vogël të jete ne grupin e te riatdhesuarve. Ajla dhe Amina, dy shoqet e saj ne Tirane, e presin t’iu bashkohet sa me shpejt”, shkruan gazetari në komentin që shoqëron pamjet.
