Fotografi Ricardo Stuckert i ka fiksuar pamjet e një fisi kur helikopteri që ai po udhëtonte devijoi mbi territorin e tyre për t’iu shmangur një stuhie. Fotografitë janë të një fisi që jeton në shtetin e Akrës, në afërsi të kufirit të Brazilit me Perunë, i cili mendohet të ketë disa qindra anëtarë.
Një anëtar i fisit shihet me harkun e tij, ndërsa një tjetër vë në shënjestër helikopterin me një shigjetë. Në një kuadër tjetër duket, një njeri i lyer me bojë i armatosur me një hanxhar.
Imazhe të tjera tregojnë grupe të vogla të fisit që lëvizin të hutuar duke parë helikopterin nga poshtë pyllit. Anëtarët e tjerë të fisit ndezin një zjarr dhe shohin objektin e çuditshme fluturues.
Kjo zonë monitorohet nga distanca, pasi shpesh mund të ndodhin përleshje me kërkues ari të paligjshëm që cenojnë territorin e tyre, raporton The Guardian. Imazhet e fisit janë marrë në shtator, gjatë një misioni të mbikqyrjes të kampeve të minatorëve të paligjshëm në Amazona.
Një operacion i madh policor me përfshirjen e ushtrisë është duke u planifikuar për të larguar rreth 5000 minatorë që punojnë atje në mënyrë të paligjshme.
