Seanca plenare nuk është vetëm ajo çka më së shumti shihet në ekranin e televizorit, debate dhe diskutime mes deputetëve, kryeministrit, apo edhe ministrave. Ajo çka nuk shfaqet në ekran përfshin momente të ndryshme, nga bisedat mes kolegëve, batutat plot humor, shkëmbimet e mesazheve në celular, apo edhe telefonatat nga salla e Kuvendit.
“News24” ka përcjellë disa momente nga seanca e kaluar plenare, ku me sa duket deputetë, kryeministri e ministrat kanë bërë pak më shumë “gallatë” se herët e tjera, duke qenë se kjo ishte seanca e fundit për këtë sesion parlamentar
Në një moment shfaqet edhe kryeministri Rama teksa zhvillon një bisedë telefonike, me dikë të cilit nga sa duket nga lëvizja e buzëve, i thotë “të mos e çajë kokën”.
E një tjetër sekuencë është filmuar ministri i Brendshëm, Saimir Tahiri, duke grisur një letër, në të cilën nuk e dimë se çfarë shkruhej.
