Jennifer Lopez dhe Ben Affleck prej disa ditësh po udhëtojnë në Evropë me një jaht super luksoz, për të festuar 52-vjetorin e lindjes së këngëtares.
Dyshja janë fotografuar duke shkëmbyer puthje pasiononte gjatë mbrëmjes që kaluan të mërkurën në Nerano, Itali, shkruan “Daily Mail”.
Jennifer shihet e ulur në prehrin e të dashurit të saj, duke buzëqeshur, ndërsa Ben i dhuron një puthje në qafë. Më pas, çifti shkëmbyen një puthje pasiononte në buzë.
Kujtojmë se Ben dhe Jennifer do të martoheshin në vitin 2003, por e shtynë dasmën pak para se të deklaronin se janë ndarë. Ata u ribashkuan pak muaj më parë pas ndarjes së këngëtares nga Alex Rodriguez në prill të këtij viti, pas katër vitesh njohje, nga të cilat 2 i kaluan me statusin “të fejuar”.
