Autoritetet britanike arrestuan një shqiptar, i cili ishte dënuar me dy vite burg, me akuzën e kultivimit të narkotikëve.
Mediat britanike bëjnë me dije se shqiptari Gani Muca, jetonte në një dhomë në banesën trekatëshe, ndërsa në të gjitha dhomat e tjera kultivohej kanabis.
27-vjeçari shqiptar u tha oficerëve se ai kishte jetuar në pronë për tre javë pasi kishte rënë dakord të kujdesej për bimët narkotike.
Ai u shpreh se ai ishte paguar 80 paund në javë për ushqim dhe i ishte ofruar një pjesë e fitimeve nga shitja e kanabisit.
Ndër të tjera 27 vjeçari ka deklaruar se kishte qenë aty që nga muaji shkurt dhe kishte hyrë lirisht në territorin britanik. Ai u deklarua fajtor për prodhim të lëndëve narkotike.
Droga e mbjellë në banesën trekatëshe nëse do të hidhej në treg do të kapte vlerën e 70 mijë paundëve.
