Tjetër lojtar me koronavirus te Real Madrid. Javën e kaluar rezultoi pozitiv Karim Benzema, i cili është izoluar dhe ndodhet në karantinë.
Ditën e sotme ka dalë pozitiv edhe David Alaba, një nga afrimet e “Los Blancos” në merkato. Lajm i keq për “xholin” austriak, i cili duhet të nisë karantinën.
“Real Madrid komunikon se lojtari ynë David Alaba ka rezultuar pozitiv me Covid-19“, lexohet në komunikatën zyrtare të klubit spanjoll.
Alaba i dha fund aventurës me Bayern Munchen dhe zbarkoi në kryeqytetin spanjoll si lojtar i lirë. 29-vjeçari ka firmosur një kontratë 5-vjeçare.
Official Announcement: Alaba.#RealMadrid
— Real Madrid C.F. 🇬🇧🇺🇸 (@realmadriden) July 28, 2021
