Aktori i famshëm Ben Affleck, me rastin e 52-vjetorit të lindjes së Jennifer Lopez, organizoi një festë romantike në Saint Tropez, vetëm disa ditë pasi zyrtarizuan lidhjen në rrjetet sociale.
48-vjeçari nuk është kursyer aspak. Pasi fluturuan për në rivierën franceze me një avion luksoz privat, me një kosto rreth 200 mijë dollarë, ata u transferuan në një mega-jaht prej 130 milionë dollarë.
Në super jahtin e quajtur “Valerie”, Jennifer dhe Ben u fotografuan duke shkëmbyer puthje dhe përqafime. Ndërsa në profilin e saj në “Instagram”, Lopez publikon një video ku shfaqet duke kërcyer dhe tregon me krenari format trupore perfekte.
View this post on Instagram
“Daily Mail” shkruan se nuk dihet se kush po paguan për udhëtimet, por Affleck ka një pasuri prej 150 milionë dollarë, ndërsa Lopez rreth tre herë më shumë se ai, 400 milionë dollarë.
