Vritet kryefamiljari, shoqërohen në polici gruaja dhe vajza

Një krim në familje dyshohet të ketë ndodhur në fshatin Gurrë e Vogël të Klosit, ku një 47-vjecar është gjetur i pajetë në banesë, me shenja dhunë. Polici ka shoqëruar bashkëshorten dhe vajzën e viktimës.

Burime zyrtare njoftuan se rreth orës 22.30 të së Dielës, në sallën operative të Komisariatit të Policisë Mat, ka ardhur një telefonatë se në banesën e Ylber Lezit po ndodhte një konflikt në familje.

Menjëherë kanë shkuar shërbimet e Policisë drejt adresës së dhënë, ku Mine Lezi ka shfaqur rezistencë duke mos ju hapur derën shërbimeve të Policisë.

LEXO EDHE  Inskenoi zhdukjen në Shqipëri/ Vasil Ruci rrëfen njohjen me Pecorellin: Na u ngjit nga hiçi, nuk na shqitej edhe kur hanim

Efektivët kanë hyrë me forcë në banesë dhe kanë gjetur me shenja dhune në trup dhe pa shenja jete kryefamiljarin Ylber Lezi 47 vjeç.

Janë shoqëruar në Komisariat bashkëshortja e viktimës Mine Lezi, 51 vjeçe dhe vajza e tyre Aida Lezi, 21 vjeçe.

Në bashkëpunim me Prokurorinë e Rrethit Mat, vijon puna për zbardhjen e rrethanave të ngjarjes dhe dokumentimin me prova ligjore të saj, njoftoi policia.