Ambasadorja amerikane Yuri Kim, është shprehet se reforma në drejtësi ka ecur përpara, duke shtuar se nuk duhet të ndalet. Ajo i ka bërë thirrje autoriteteve të sigurisë të mos heqin dorë, por të vazhdojnë përpara me reformat.
“Unë mendoj që reforma në drejtësi po çohet përpara, ngadalë, me ngadalë se çfarë do të donim por është padyshim një shtysë përpara, njerëzit duhet të vazhdojnë të jenë të pakënaqur, duhet të jenë më tepër kërkues me qeveritaret e tyre, njerëzit që ata kanë zgjedhur dhe duhet të vazhdojnë përpara.
Tani është koha që të vazhdojmë përpara. Mos u dorëzoni.
Disa njerëz thonë që reforma në drejtësi është asgjë, duhet të dorëzohemi, por jo, po ju gënjejnë, mos hiqni dorë”, ka thënë Kim.
E pyetur nëse po kapen “peshqit e mëdhenj”, Kim u shpreh se “unë jam diplomate. Nuk jam një persekutore, nuk jam një peshkatare, nuk jam gjyqtare, unë jam thjesht një diplomate”.
Kim theksoi më tej se institucionet kanë përgjegjësinë e tyre dhe se sipas saj kanë filluar ti përmbushin detyrimet e tyre.
Termin e “peshqve të mëdhenj” e përdorte shpesh paraardhësi i ambasadores Yuri Kim, Donald Lu, i cili gjatë kohës që shërbeu si diplomat në Tiranë fliste shpesh për arrestimet e zyrtarëve apo ish-zyrtarëve të lartë nga drejtësia e re, duke i etiketuar ato si “peshq të mëdhenj” apo peshkaqenë.
Në reagimin e saj të fundit, duket se Ambasadorja Kim ia ka hedhur “topin” e arrestimeve të peshqve të mëdhenj prokurorëve, ndoshta atyre në SPAK, që ende nuk po përmbushin pritshmëritë e larta që krijuan te shqiptarët.
Pyetje – Po shkojmë drejt peshkut të madh?
Përgjigje – Unë jam diplomate. Unë nuk jam një persekutore, nuk jam një peshkatare, nuk jam gjyqtare, unë jam thjesht një diplomate. Institucionet kanë përgjegjësinë e tyre, ata e dinë se cilat janë përgjegjësitë e tyre, unë mendoj që ata po nisin ti përmbushin ato. Le të mbështesim ata. Ajo që dua të flas në fakt është kultura shqiptare, dhe mundësia e madhe për të qenë me MIK FESTIVAL dhe dëgjonim “Zanat”, nuk është vetëm reforma e drejtësisë, është bukuria e Shqipërisë dhe shpirti i shqiptarëve që me jep shpresë.