Kreu i PD-së, Lulzim Basha ka vizituar policin e plagosur mëngjesin e sotëm në një aksion për kapjen e grabitësit në Spitalin Ushtarak.
I shoqëruar edhe nga deputetë demokratë, Basha ka falënderuar mjekët për punën e bërë për shpëtimin e jetës së policit, Nikolin Gjergji.
“Dua të falënderoj mjekët për punën e shkëlqyer. Ai është jashtë rrezikut për jetën. Unë jam këtu si kryetar i opozitës dhe konfirmoj mbështetjen time të plotë për çdo polic në krye të detyrës në përballje me krimin.
Ata kanë patur përkrahjen totale të PD. Beteja me krimin është betejë e ashpër, në kushte të pabarabarta. Bashkë me efektivët e ndershëm dhe shqiptarët do t’ia dalim të mposhtim krimin me forcën e hekurt të ligjit”, u shpreh kreu i PD-së pasi vizitoi policin e plagosur.
