Albana Fico, drejtuese e ISHP, dhe anëtare e Komitetit Teknik të ekspertëve kundër Covid-19,u shpreh sot se janë disa tregues që paraqesin situatën epidemiologjike në vend, ku incidenca dyjavore është 5 për 100 mijë banorë.
Ajo tha se ka një rritje të lehtë të rasteve ditore, ndërkohë që ka një zbritje të numrit të bashkive të prekura nga 10 në 9.
Sipas saj, të shtruar në spitalet Covid aktualisht janë 5 persona, nuk ka persona në reanimacion dhe numri i vdekjeve ka qenë zero.
“Qytetarët të aplikojnë për të bërë vaksinën, situata epidemiologjike ka njohur rritje në disa vende të ndryshme të Europës, për shkak të variantit Delta.
Siç rekomandohet nga OBSH është e rëndësishme të respektojmë masat e vendosura nga autoritetet shëndetësore”, tha ajo.
