I arrestuar për shpërdorim detyre, ja kush do e gjykojë Fatos Tushen

Hidhet shorti në Apel për çështjen e ish-kreut të bashkisë Lushnje, Fatos Tushe. Ky i fundit ka kërkuar ndryshimin e masës së sigurisë, kërkesë e cila do të shqyrtohet më 29 korrik nga trupa gjykuese e kryesuar nga Nertina Kosova.

Ndaj Kryebashkiakut të Lushnjes, i cili është shkarkuar nga detyra pas arrestimit, rëndon akuza “Shpërdorim detyre”.

Tenderi për të cilin Tushe u arrestua me urdhër të SPAK kishte të bënte me pastrimin e një kanali kullues. Bashkë me Tushe u arrestuan edhe dy biznesmenë dhe disa ish-zyrtarë dhe zyrtarë të Bashkisë së Lushnjes.

LEXO EDHE  Saliu, ky ” fajtor” i përjetshëm

Nëpërmjet avokateve të tij mbrojtës Tushe i është drejtuar Apelit, ku kërkon masë më të butë sigurie, pasi për të nuk ka prova që e implikojnë atë në abuzimin me tenderin për 240 milion lekësh, për rehabilitimin e kanalit vaditës.

Gjithashtu me kërkesë për masë më të butë sigurie Apelit i janë drejtuar edhe vartësit e Tushes, të cilët u arrestuan pak javë më parë, pasi SPAK ka ngritur ndaj tyre tre akuza, atë të “Falsifikimit të dokumenteve”, shpërdorimit të detyrës” dhe “abuzimit me tendera publike”.