Kristian Prenga rikthehet me fitore në ring. Boksieri shqiptar ka lënë pas krahëve periudhën e vështirë të shkaktuar nga dëmtimet dhe operacionet në dorë.
30-vjeçari mirditor nuk boksonte prej vitit 2018, teksa i ka mjaftuar një raund për të hedhur në tapet rivalin Samuel Miller nga Kolumbia.
Pavarësisht mungesës 3-vjeçare, Prenga tregoi se nuk i ka humbur reflekset, shfaqi menjëherë dominimin e tij dhe me një të djathtë fantastike rrëzoi kundërshtarin në tokë.
