Eriselda Sefa do të jetë kryetarja e re e Bashkisë Lushnje. Zgjedhja e saj vjen pas votimit të 34 anëtarëve të pranishëm të bashkisë: me 29 vota pro, 4 vota kundër dhe 1 apstenim.
Sefa zëvendëson në këtë detyrë Fatos Tushen. Ky i fundit u shkarkua nga detyra, pas arrestimit me akuzën e abuzimit me tenderin 240 milionë lekësh të kanalit vaditës të dy fshatrave.
Sipas ligjit 139 të vitit 2015 për qeverisjen vendore, i takon njërit prej nënkryetarëve të bashkisë të marrë postin e kryebashkiakut. Aktualisht bashkia Lushnje ka dy nënkryetarë, Gentian Nushin dhe Eriselda Sefan. Pas fillimit të mbledhjes Gentian Nushi njoftoi tërheqjen nga gara pasi, sipas tij, duke pasur pozicionin e kryetarit të Partisë Socialiste nuk mund ta kryejë funksionin e kryetarit të bashkisë Lushnje.
Pas tërheqjes së Nushit, këshilli vendosi që të kryhet votim i fshehtë për nënkryetaren Eriselda Sefa me tre opsione, pro kundër dhe abstenim.
