Ylli Manjani, ish-ministër i Drejtësisë, ironizoi sot në rrjetet sociale, Kryeministrin Edi Rama, i cili në një samit të mbajtur në Athinë, nuk ndali kritikat ndaj Bashkimit Europian, lidhur me mos hapjen e negociatave për Shqipërinë dhe Maqedoninë e Veriut.
Manjani shkruan se nga Europa në prisnim negociatat, por ky qerrata paska pritur nuse!?
“Ne menduam se gjithë këto arka me peshk që po kapte SPAK i kishte për negociatat, por paskan qenë për nusen e qerratait.
As negociatat e as nusja nuk erdhën…”, shkruan Manjani.
Një ditë më parë, Rama u shpreh se BE nuk u tregua serioze lidhur me dy vendet, duke mos mbajtur premtimin për hapjen e negociatave. Kryeministri u shpreh se procesi i negociatave u bë si ajo puna kur nusja nuk shkon në dasëm dhe dhëndrri pret, nusen.
