Një 64-vjeçar është vënë në pranga nga policia e Elbasanit për veprën penale “Armëmbajtja pa leje”.
Policia njoftoi se në bazë të informacioneve të siguruara në rrugë operative se një shtetas posedonte armë zjarri pa leje në banesë, është ushtruar kontroll në banesën e R.Ç. në fshatin Xibrakë, Elbasan.
Si rezultat i kontrollit, shërbimet e Policisë kanë gjetur dhe sekuestruar në cilësinë e provës materiale një armë zjarri kallashnikov dhe municion luftarak.
Në përfundim të veprimeve është bërë dhe arrestimi në flagrancë i shtetasit R.Ç., 64 vjeç.