Roberto Mancini nuk duket i shqetësuar për ndeshjen e nesërme gjysmëfinale të Euro 2020 ndaj Spanjës, sfidë që do të luhet në orën 21:00 në Wembley.
Duke iu referuar Immobile, që mori kritika në ndeshjen e fundit, numri një i stoli italian u shpreh se më të kritikuarit shpesh zgjidhin ndeshje dhe turne.
“Do të jetë e vështirë. Spanja është e ndryshme nga Belgjika. Spanja ka qenë e jashtëzakonshme për vite me radhë. Tani ka pasur ndryshime dhe ata janë më të rinj. Kanë edhe një trajner të mirë dhe lojtarë shumë të mirë. Nuk do të jetë aq e thjeshtë: do të duhet të luajmë një ndeshje të shkëlqyeshme.
Është e padrejtë që nuk ka tifozë nga Italia dhe Spanja. Sa u përket kritikave për Immobilen, ai është ndër ata që kanë shënuar më shumë në vitet e fundit. Dhe në një Kupë Bote ose një Kampionat Evropian, më i kritikuari zgjidh shpesh ndeshjen dhe turneun.” – u shpreh tekniku italian.
Mancini nuk zbuloi shumë rreth formacionit, por la të nënkuptohet se në qendër të mbrojtjes do të jetë Chiellini dhe Bonucci, edhe pse ky i fundit doli në konferencë për shtyp. Për çdo të papritur ai ka edhe Acerbin me Bastonin.
Duket se dyshimi i vetëm është ai mes Chiesas dhe Berardit, me juventinin që duket në pole position. Bonucci u shpreh se Italia kërkon finalen edhe për Spinazzolan, që u operua në Finlandë.
