Real Madridi ka fituar Botërorin e dytë të klubeve, pasi mundi japonezët e Kashima Antlers 4-2 pas kohës shtesë dhe falë tre golave të Cristiano Ronaldos, të dielën në Yokohama, trofeu i tretë ndërkombëtar për trajnerin Zinédine Zidane pas Ligës së Kampioneve dhe Superkupës së Evropës.
Reali, që hapi serinë e golave me anë të Karim Benzema (‘9) e pa veten në dizavantazh përballë japonezëve pas dygolëshit të realizuar nga Gaku Shibasaki (’44, ’52).
Cristiano Ronaldo, katër herë fitues i Topit të Artë, shënoi për kampionët e Evropës (’60 me 11-metërsh), para se të shënonte dy gola të tjerë në kohën shtesë (’98, ‘104).
Reali e ka fituar Botërorin e parë të klubeve në 2014.
