Një aksident i rëndë ka ndodhur mëngjesin e sotëm në rrugën Lushnje-Berat. Mësohet se një furgon ka marrë përpara një karrocë me gomar, ku për pasojë ka mbetur i vdekur një 77-vjeçar.
Ngjarja ka ndodhur në orën 6 të mëngjesit të sotëm, ku sipas informacioneve të para, viktima Kostandin Verushi, ishte nisur për tek tokat e tij në momentin e aksidentit.
Policia ka njoftuar se viktima ka gjetur vdekjen e menjëhershme, ndërsa është ndaluar drejtuesi i furgonit dhe po punohet për zbardhjen e shkaqeve të aksidentit.
