Një ngjarje e pazakontë ka ndodhur në një hotel në Vlorë, ku një shtetas italian është martuar me një shtetase shqiptare dhe ka ikur pa paguar lekët e dasmës. Të paktën është ky pretendimi i pronarit të hotelit, ku denoncimi u bë nëpërmjet një statusi në FB. Ndër të tjera në denoncim thuhej se italiani akomodoi për një javë në këtë hotel dasmorët dhe në fund pagoi me çek fallco.
Rezulton se italiani ka bërë vetëm një pagesë me vlerë 500 euro, ndërkohë qe i ka thënë administratorit të hotelit, Vasil Bedinit, që deri të premten do bëjë pagesën totale të dasmës që ka bërë tek hoteli, një borxh prej mijëra eurosh.
Bedini foli për TCh dhe tha se që në fillim nuk kishte patur besim se italiani do të kryente pagesën, pasi ai dukej që ishte mashtrues, ndërsa në komunikimet që ka patur i ka thënë që nëse nuk bën pagesën, Shqipërinë do ta shohësh vetëm me Google Earth!
Gjithashtu në media raportohet se italiani nuk ka paguar as për makinën që kishte marrë me qira. Megjithatë ende nuk ka një reagim nga ana e tij në lidhje me ngjarjen.
