Zëdhënësi i Presidencës Tedi Blushi ka deklaruar se zyrtari i DASH, Philip Reeker nuk ka kërkuar asnjëherë në mënyrë zyrtare që të zhvillojë një takim me Presidentin Ilir Meta.
Pas shkrimit të publikuar nga Zëri i Amerikës, ku një zëdhënës i ambasadës amerikane shprehej se Reeker nuk u takua me Presidentin Ilir Meta për arsye axhende, Blushi ka sqaruar situatën.
Ai tha se nga institucioni i presidentit nuk ka pasur asnjë kërkesë nga çdo lloj niveli për takim me Reeker.
Më herët, një zëdhënës i ambasadës amerikane i tha Zërit të Amerikës se “për arsye të ndërtimit të agjendës, këtë herë nuk ishte i mundur një takim me presidentin Meta”.
Ndihmës Sekretari i Shtetit në Detyrë për Çështjet Evropiane dhe Euroaziatike, Ambasadori Philip T. Reeker zhvilloi sot një vizitë zyrtare në Tiranë. Ai u takua me kryeministrin Edi Rama dhe kryetarin e Partisë Demokratike Lulzim Basha. për Presidentin Meta, zyrtari nuk kishte asgjë në axhendë.
