Pas lajmit se një ministër ka udhëtuar në Dubai me një nga personat më të kërkuar për momentin “Escobarin e Ballkanit”, ka reaguar ministri i Drejtësisë.
Ylli Manjani mohon të ketë udhëtuar ndonjëherë me Klement Balilin personin e shumë kërkuar për trafik droge.
Përmes një postimi në rrjetin social “Facebook”, Manjani thotë se nuk ka qenë asnjëherë në Dubai por nuk ka udhëtuar ndonjëherë as në furgon e as në avion me të.
“Ndoshta pas arrestimit mund tua thotë vetë ai se me kë ka udhëtuar në Dubai e kudo tjetër!”, shkruan Manjani.
Ai i quan shpifje dhe e mbyll postimin e tij duke thënë Mirupafshim deri në udhëtimin tjetër imagjinar..!
Postimi ne facebook i Ylli Manjanit
Përshëndetje,
Sipas disa analistëve portalistë dhe jo vetëm, paskam qenë në Dubai dhe me Klement Balilin.
Për të gjithë ju që keni interes, në Dubai skam qenë kurrë në jetën time! Me këtë person skam udhëtuar ndonjëherë as në furgon e as në avion! Udhëtimet turistike i bëj ekskluzivisht me familjen time!
Shpifja nuk ndihmon askënd! Mbetem përkrahës i fjalës së lirë edhe kur kjo është shpifje!
Por me rastin e të 7-tave (muajve të urdhër-arrestit ndërkombëtar) edhe njëherë tërheq vemendjen: Ta arrestojë kush e ka në dorë! Ndoshta pas arrestimit mund tua thotë vetë ai se me kë ka udhëtuar në Dubai e kudo tjetër!
Mirupafshim deri në udhëtimin tjetër imagjinar..!
