Barcelona nis me shitjet dhe largimet e atyre që nuk janë pjesë e projektit dhe që mund të sjellin para në arkat blaugrana.
Junior Firpo, mbrojtësi i majtë do të largohet nga Camp Nou po me destinacion jo në Serie A dhe te kuqezinjtë por në Angli te Leeds United.
Tashmë në mëngjes flitej për një kalim të mundshëm në Angli; më pas, në minutat e fundit, konfirmimi mbërriti gjithashtu nga gianlucadimarzio.com: Junior Firpo do të transferohet te Leeds për 15 milion euro plus bonuse.
Formula ishte vendimtare për suksesin e negociatave në favor të klubit anglez: skuadra e drejtuar nga Marcelo Bielsa do ta blejë atë plotësisht, ndërsa Milani bëri presion për formulën e huazimit me të drejtën e mundshme të blerjes.
Por, katalanasit nuk ndalen me këtë shitje. Anësori amerikan 19-vjeçar Konrad de la Fuente, këtë mëngjes iu nënshtrua ekzaminimeve mjekësore me klubin e Marseille dhe nga ky transferim, Barcelona do të fitojë 3.5 mln euro të tjera duke arkëtuar kështu në total nga dy dalje rreth 20 mln euro.
