“Rreth orës 01:00, në Drimadhes, ka rënë zjarr dhe janë djegur rreth 60 shezlongë në pronësi të shtetasit Bilbil Domi”, njoftoi këtë të Hënë policia. Dyshimet janë se ngjarja është e qëllimshme.
Pronari Bilbil Domi ka deklaruar në polici se kishte vetëm 24 orë që kishte marrë lejen për shfrytëzimin e vijës bregdetare. 55-vjeçari mësohet se ka thënë se nuk mundet që t’i vërë gishtin askujt, pasi nuk ka pasur përplasje me ndonjë person.
Por, sipas tij, ka pasur pakënaqësi nga bizneset përreth për marrjen e lejes së shfrytëzimit të bregdetit.
Ende nuk ka asnjë të ndaluar nga policia në lidhje me ngjarjen.
