Katër viktima dhe dy të plagosur është bilanci i një përplasjeje me armë mes dy familjeve, Ferracaku dhe Gocaj, pronarë restorantesh dhe hotelesh në zonën e Velipojës.
Zanafilla e sherrit nisi për shezlongët nga pronarët e dy bizneseve.
Menjëherë pasi kanë mësuar lajmin të parët që kanë shkuar në vendin e ngjarjes në një rrugicë mes dy bizneseve të palëve të përfshira ishin familjarët në britma dhe lot.
Viktimat nga shkëmbimi i zjarrit janë Kujtim Ferracaku 59 vjec, vëllezërit Xhovani dhe Edmond Gocaj 25 dhe 38 vjec dhe Myzerim Zeneli 20 vjec. Të plagosurit janë; Hasan Ferracaku 54 vjec dhe Elmedin Tyli 17 vjec.
Ngjarja ndodhi rreth orës 00:30 të së dielës, ku nga të dhënat paraprake Kujtim Ferracaku, pronar i restorant “Fantazia” është konfliktuar me pronarët e hotel “Gocaj” për shezlonët në plazhin e Velipojës.
Si pasojë ka mbetur i vrarë Kujtim Ferracaku, punonjësi i shezlongeve dhe dy viktimat e tjera janë nga familja Gocaj.
Nga plumbat ka mbetur i plagosur edhe vëllai i viktimës, Kujtim Frracakut bashkë me një tjetër person. Policia e ndihmuar nga FNSH kanë rrethuar zonën.
Kjo është ngjarja më e rëndë që ka ndodhur në muajt e fundit, lidhur me numrin e viktimave që janë shkaktuar nga përplasja me armë, ndërsa RENEA dhe FNSH prej orës 02:00 dhe në vijim ka blinduar jo vetëm zonën e Velipojës, por pothuajse të gjithë kryeendrën e Veriut të vendit.
