I moshuari i cili u përplas një ditë më parë nga një automjet në kryeqytet ka humbur jetën, konfirmoi këtë të Shtunë Policia. Blutë bënë me dije se vunë në pranga drejtuesin e makinës që përplasi 82-vjçarin Qani Kamberaj.
Aksidenti u shënua rreth orës 19:00, në bulevardin “Bajram Curri”, ku mjeti me drejtues shtetasin 25-vjeçarin Mariglen Harizi aksidentoi të moshuarin.
Ky i fundit u dërgua në spital, por nuk mundi të mbijetojë.
Pamjet e postuara në media nga vendngjarja pas aksidentit, treguan makinën e drejtuar nga 25-vjeçari, që përfundoi jashtë asfaltit dhe u ndal buzë “Lanës”.
Kujtojmë se po një ditë më parë, një aksident tragjik ndodhi po ashtu në autostradën Fier-Vlorë, e për pasojë katër persona nga një familje humbën jetën.
Lexo edhe:
